المدونة التالية
كافة المدونات

ظــالم و مظلوم

يناير 15th, 2008 كتبها مى المنوفيه نشر في , شعر بالعامى, 

لا يوجد تعليق
, 

إوعى تخاف م الظالم يوم
دا الظلم عمره ما بيدوم
أوعى تخاف تآخد حقك
من ظالم مهما يكون
دا الظالم ينهب و يكوِّش
و يبات مرعوب م المظلوم
الظالم يرصص و يحوِّش
و لا يتهنَّى براحه و نوم
دا الظالم ينام جعــان
و الأكــل قُدَّامه بالكوم
الظالم دايماً فقــران
و فلوسه تعدى المليون
تلاقيه جوّه نعيم غرقان
بس تملى يكون محروم
عمرك ما تشوفه فرحان
دايماً تلاقيه مغموم

المزيد


الحتـــه

يناير 15th, 2008 كتبها مى المنوفيه نشر في , شعر بالعامى, 

لا يوجد تعليق
, 

يا تآكل و تدينا حته
يا تقوم و تسيبلنا الحته
ما تآكلش قدامنا و تخلبص
و إحنا باللى يفيض نمصمص
و تتخن و تحلو تلظلظ
و أنا قدامك متمصمص

المزيد


بخسمتاشر قرش

يناير 15th, 2008 كتبها مى المنوفيه نشر في , شعر بالعامى, 

لا يوجد تعليق
, 

بخمستاشر قرش

ربى الكرش
بخمستاشر قرش
بنى عماراته
بخمستاشر قرش
فتح شركاته
بخمستاشر قرش
زوِّد عبَّاراته
بخمستاشر قرش
أكل و شرب
و نوم ما تمرش
بخمستاشر قرش
خَرَب بلده
و عليها ما زعلش
بخمستاشر قرش
نام الغلابه
ف بطن القرش
بخمستاشر قرش
سافر و نام
ف أحسن فرش
بخمستاشر قرش
سمع خبر موتهم
ما حزنش
بخمستاشر قرش
خَدْ العيال
و فلوسه و العفش
بخمستاشر قرش
هرب من بلده
و لا حد عارضش

المزيد


يا شعب مسطول

يناير 15th, 2008 كتبها مى المنوفيه نشر في , شعر بالعامى, 

لا يوجد تعليق
, 

إنت يا شعب يا عامل غاره
على موجتين غرقوا عبَّاره
ممكن تخرس و تسمعنى شويه
لاجل ما أقولك يابنى عباره؟
***
إحنا قلنا هنريحهم
و كانت نيتنا إننا نبسطهم
بلاش يا خويا تبصلى و تبرقلى
لحد ما أكمل بقية العباره
***
كانوا عايشين عيشه فقريه
و بطاله رايحه و بطاله جايه
حد يطول يرتاح م الدنيا
و كله فانى و كلها فانيه !!
***

المزيد


البيه

يناير 15th, 2008 كتبها مى المنوفيه نشر في , شعر بالعامى, 

لا يوجد تعليق
, 

بص قدامك ..

و اوع تبص شمال و يمين ..

متغمي واقف في مكانك..

و ممنوع تسأل أنا فين؟

إمشى على أدك ..

خطوه .. بخطوه ..

و على لسانك كلمه واحده..

حاضر و متشكرين ..

هيجيلك البيه ..

وطى بوس إيديه و رجليه ..

في إيده كرباج ..

قوله على أفايا يا بيه ..

البيه أصله نزيه و متأنزح ..

يحب يضرب ..

و يشوفك بتتوجع..

المزيد


لغه … ما بتنهدّ

يناير 15th, 2008 كتبها مى المنوفيه نشر في , شعر بالعامى, 

لا يوجد تعليق
, 

بيعوا اليوم و بيعوا الغد
بيعوا ف حضاره و عزّ و مجد
بيعوا القاف و الضاد و المدّ
بيعوا فى ألفاظ ما بتنعدّ
سيبك من هذا و خليك ف that
سيبك من لكن و خليك ف but
علشان تبقا روش و كول
و البنات هتجيلك نطّ
*******
دية لغة نبى كريم
بلسان عربى مبين
دية لغة كتاب عظيم
أنزله رب حكيم
دية لغة حضارة مسلمين
علموا العالم الدين
لغه قويه ميه الميه
و إحنا بدونها مخروسين
*******

المزيد


ياااااااه يا بلادى !!!

يناير 15th, 2008 كتبها مى المنوفيه نشر في , شعر بالعامى, 

لا يوجد تعليق
, 

ياااااااه يا بلادي
بأحلم بيكي
بأحلم بيوم ما أعيش فيكي
و أشرب من نيلك
و أغنيلك…
و أقولك….
بأحبك يا بلادي….
####
نفسي تكوني في هنا و سرور
من غير أنفلونزا الطيور
و لا بطاله
و لا عباره
و لا رشوه
و لا سرقه
و لا تزوير الإنتخابات
و لا غش في الإمتحانات

يوميها أحس فعلاً
إني مصري بجد
و كل ما أقابل حد…
أقوله و ف

المزيد


أنا عايزه أعيش فى المريخ

يناير 15th, 2008 كتبها مى المنوفيه نشر في , شعر بالعامى, 

لا يوجد تعليق
, 

من غير لف و تدويخ
أنا عايزه أعيش في المريخ
دا أنا زهقت من الأرض
و الحروب و الدم و الصريخ
***
الأرض بقت زحمه
و القتل بقا من غير رحمه
و التلوث في كل ناحيه
إن كنت في القاهره
أو حتى في ميونيخ
***
أنا هاعيش في المريخ خاطر
أعيش مرتاحة البال و الخاطر
لا إرهاب يهددنى
و لا نووي
و لا مخاطر
***
راح أعيش في المريخ
من غير بطاله
و لا أتعب أعصابى
بغرق عبَّاره
و لا سرطانات متعبيه
جوا الشكاره
و لا فساد يغرقنى
و يفقع المراره
***
راح أعيش في المريخ مرتاحه
من الأرض و همها
و من إسرائيل
و إللى كان زيها
و من أمريكا و قرفها و ذلها

المزيد




: